社聯同國際廚藝院係GIES 2019舉辦咗「食得喜」樂齡美食烹飪大賽，培育新一代照護食 (軟餐) 廚師，同時令公眾認識不同種類照護食嘅烹飪方法。
大賽係十一月底舉行，六隊共12位國際廚藝院嘅學生以「冬至」做題目，發揮佢哋嘅專業技術同創意，煮咗6碟色香、味、俱全嘅特色照護食菜式。比賽期間傳出陣陣食物嘅香味，吸引咗唔少觀眾黎支持，場面非常熱鬧。
今次嘅比賽亦請咗七位重量級評審，包括社聯行政總裁蔡海偉、國際廚藝學院院長余國柱、香港中文大學生命科學學院榮休教授關海山、香港大學教育學院溝通、發展與資訊科學部陳文琪博士，同埋三位星級軟餐大廚，社企甜蜜故事創辦人Amy、社企網煮有限公司行政總裁暨總廚Johnson和文化村食品顧問暨老人院主廚成師傅。評審根據外貌、味道、創新、團隊合作、整潔度及是否適合吞嚥困難人士食用等六個標準選出三隊勝出隊伍。另外，大會當日搵咗10位觀眾試食同評分，投選觀眾最喜愛大獎。
希望大家都更關注照護食嘅發展，讓唔同需要嘅人都可以享受到食物嘅美味。
Comentários