社聯照護食小組聯同言語治療師喺1月8號於觀塘秀茂坪可榮耆英鄰舍中心舉行講座，跟進老友記進食飯盒情況，收集對飯盒以及成個計劃嘅意見，同介紹有關吞嚥困難同照護食資訊。而老友記都好踴躍參加🙌🏻🙌🏻。
言語治療師暨照護食星級大使鄧浩樺先生 先向老友記收集佢哋對於飯盒嘅意見，大家都好積極表達自己諗法📣💬，大部分都好滿意呢個計劃。然後鄧先生同老友記重溫國際吞嚥障礙飲食標準並示範點樣處理IDDSI第五同第六級食物，仲介紹咗更多吞嚥困難資訊，同長者做咗啲言語治療練習，老友記都好投入🤩🤩🤩。
《照護食——家居篇：吞嚥困難患者照顧者全面手冊》於早前面世，工作小組亦借今次機會向長者推廣呢本書同照護食指南，希望老友記喺計劃完結後都知道可以點樣搵到更多資源💖。
Comments