第五屆「食得喜」樂齡美食烹飪大賽決賽已於10月28日順利舉行！
今年，我哋將照護食推廣至家居照顧者。今屆比賽嘅主題係「摯愛‧照護食」，希望透過今次比賽，比家中患有吞嚥困難嘅摯親食到從前至愛嘅菜式，同時可以比家居照顧者更加了解照護食的資訊，為吞嚥困難人士提供多元化嘅用餐選擇！
今年有8位照顧者入圍決賽，佢哋需要烹調出一道符合照護食標準指引等級4至等級7EC其中一級嘅菜式。各位照顧者嘅表現都十分出色，佢哋烹調嘅照護食菜式除咗色香味俱全之外，更重要嘅係每道菜式當中都包含住對家中摯親嘅愛意。
今年比賽亦有來自中華廚藝學院及國際廚藝學院嘅學廚參與協助比賽進行。學廚以照護食見習生嘅身份，同照顧者一齊烹調及改良菜式，協助照顧者完成賽事。我哋期望透過今次比賽，令新一代廚師都認識到照護食，提升專業技能！
經過星級評判嘅試食評分後，分別選出咗「美食」嘉許、「喜悅」嘉許、「聯繫」嘉許、「關愛」嘉許以及至有「營」大獎，各個獎項將於11月25日「樂齡科技博覽暨高峰會」期間現場頒發。
今年我哋亦會開放投票活動比公眾人士一同參與！公眾投票將於11月上旬開始，大家可以一齊投票選出心目中最喜愛嘅照護食菜式，獲得最多「讚好」作品的帖文將獲公眾「摯」愛大獎！獎項將一同於11月25日中頒發！
在此再次感謝一眾嘅策略夥伴及贊助、各機構單位、評委嘅鼎力支持！
如欲了解更多公眾投票及頒獎典禮嘅詳情，記得留意我地網站：https://www.carefood.org.hk/ 及 Facebook最新消息！
コメント