本屆「食得喜」樂齡美食烹飪大賽主題係「摯愛 · 照護食」💞，目的希望透過今次比賽，可以比家中患有吞嚥困難嘅摯親食到從前至愛嘅菜式🍴，令佢哋都可以重拾美食嘅滋味！另外，亦希望透過今次比賽，可以比家居照顧者更加了解照護食的資訊，為吞嚥困難人士提供多元化嘅用餐選擇！
早前社聯照護食工作小組為參加者舉辦咗工作坊以及賽前練習🏋️，兩次活動都令一眾家居照顧者及照護食見習生獲益良多，不論係對照護食嘅認識，抑或係改良參賽食譜都有好大嘅幫助。而後日（10月28日），終於迎嚟決賽嘅大日子🎉，到時將會有8️⃣組嘅入圍組別，即場烹調照護食菜式，係決賽場地現場比拼！
今次決賽，我哋邀請咗6️⃣位星級評審為比賽進行專業評分。所有入圍決賽照顧者及照護食見習生將會獲邀出席11月25日的「食得喜」樂齡美食烹飪大賽頒獎典禮🏆，並於典禮中接受嘉許🏅！十分期待決賽當日各位照顧者大顯身手💪🏻。
Comentários