去年8月，照護食工作小組與加拿大頤康中心合作，舉辦咗兩場線上工作坊，分享照護食相關知識及經驗，將照護食嘅概念推廣至加拿大，參加者嘅反應亦相當熱烈。今年，頤康中心開展社會創新計劃，透過我哋嘅協作及經驗分享，將照護食文化帶入多倫多嘅社區，期望令長者、照顧者及其他社區人士都可以食得「喜」！
我哋好高興可以同加拿大頤康中心交流，將照護食嘅概念推廣至海外院舍，令海外嘅吞嚥困難人士都可以享受到色香味俱全嘅照護食。我哋照護食工作小組會繼續努力不懈，務求令本地以至海外嘅吞嚥困難人士都可以有尊嚴地飲食！
照護食衝出香港 裨益海外吞嚥困難人士
已更新：2023年3月21日
Comments