一日三餐對大眾嚟講，係平常不過嘅生活一部分。不過對於吞嚥困難人士嚟講，如果一日三餐都淨係得將所有食材攪埋一齊嘅糊仔、粥水，唔知自己食緊乜，其實係一件好痛苦嘅事。所以社聯一直致力將「照護食」帶到社區，希望幫到有需要嘅人食到外觀吸引又可以安全吞嚥嘅食物。今日(12月12日)就係 #世界吞嚥日，誠邀大家一齊趁著呢個日子認識多啲吞嚥困難嘅資訊！
呢幾年來，社聯由透過「樂齡科技博覽暨高峰會」介紹各式樂齡美食、舉辦不同推廣活動，以至與香港兩間大學制定適合本地使用嘅「照護食標準指引」，協助社區上一眾吞嚥困難患者同照顧者，了解點樣應用照護食去緩解吞嚥問題。
唔少社福機構亦正為普及照護食出心出力，甚至一齊嘗試喺社區試行派發照護食飯盒服務，希望社會各界攜手合作，共同締造一個關懷吞嚥困難人士嘅飲食環境，讓人人大享口福！
瀏覽影片内容: https://fb.watch/hnCW2UE5sx/
Comments