第四屆「食得喜」樂齡美食烹飪大賽決賽已於10月15日順利舉行 ！
有別於往年，今年比賽主題為：「家+照護食」，意思係家家吞嚥困難人士也能享受美味嘅照護食 體驗，藉此推動本地照護食發展，把不同形態嘅照護食推廣至社區、院舍、甚至各界人士，從而提升吞嚥困難 患者嘅生活質素。
感謝各隊參賽隊伍施展渾身解數，烹調出色香味俱全嘅照護食菜式。廚師們在比賽中表現十分出色今次活動提供平台讓各界廚師交流，期待佢地未來繼續將照護食推廣至更多院舍以至社區，讓照護食精神能夠薪火相傳。
今年比賽亦有來自VTC廚藝學院 嘅學廚參與協助比賽進行。佢地早前完成咗一連串嘅訓練，成為咗照護食大使，日後亦會參與照護食嘅推廣活動，成為照護食嘅新力軍！
今年入圍單位所提供嘅服務十分多元化，包括受資助的安老院舍、提供改善家居及社區照顧服務的服務單位、提供殘疾人士服務的復康中心、私人安老院舍及社會企業，其中獲得「照護食星級大廚」嘅單位包括：
1️. 明愛盈水閣 2️. 明愛元朗綜合家居照顧服務 3️. 鈞溢護老中心 4️. 嗇色園主辦可安護理安老院 5️. 保良局「一點回味」廚房 6️. 保良局深水埗綜合復康中心 7. 救世軍海泰長者之家 *以上按機構英文名稱字母順序排列
經評審試食評分後，亦分別選出「美食」嘉許、「喜悅」嘉許、「聯繫」嘉許、「關愛」嘉許及至有「營」大獎，各個獎項將於11月5日「樂齡科技博覽暨高峰會」期間的比賽頒獎典禮中頒發。
爲了讓公衆人士都可以參加今次活動，我地今年繼續會有公眾投票最具「人氣」獎，讓大家可以投票選出最喜愛的隊伍！
在此再次感謝一眾嘅策略夥伴及贊助、各機構單位、評委嘅鼎力支持!
希望大家能夠繼續支持照護食計劃更多公衆投票及頒獎典禮嘅詳情，記得留意我地網站：https://www.carefood.org.hk/ 及Facebook最新消息！
Comments