第六屆樂齡科技博覽暨高峰會2022已於11月2日至5日期間順利舉行！
有別於往年，今年社聯照護食項目在 #樂齡美食展覽館 特設 #照護食體驗及教育館，透過照護食四部曲介紹照護食基本概念，讓公衆從評估與診斷、煮食、測試，以及護理及復康，教育公眾關於照護食和吞嚥困難嘅資訊，更由不同界別嘅專業人士駐場介紹。館内亦設專區現場示範照護食烹飪技巧，讓大眾人士由淺入深了解吞嚥困難人士如何應用照護食以緩解吞嚥問題。
經過咗幾年嘅公眾教育之後，十分開心見到公眾人士對吞嚥困難以及照護食嘅認識加深！我哋會繼續努力不懈，推動健全及可持續發展的照護食市場環境，為吞嚥困難人士提供有尊嚴嘅飲食！
在此要特別感謝一眾策略夥伴及贊助，亦要感謝各機構單位嘅鼎力支持，包括 #香港大學吞嚥研究所、#香港中文大學食品研究中心、#香港中文大學耳鼻咽喉頭頸外科學系、#香港理工大學中文及雙語學系、#香港營養師協會、#香港大學中風研究及預防組、#656照顧者好幫搜、#銀杏館 等。同時，亦多謝蒞臨展覽嘅嘉賓，包括飲食節目主持、作家陳圖安 Jacky，及各位在現場示範照護食菜式嘅在職廚師，使今年嘅樂齡美食展覽館錦上添花！
而「食得喜」樂齡美食烹飪大賽2022各項嘉許亦於11月5日「樂齡科技博覽暨高峰會」期間頒發。當日除了頒發各獎項，我們更邀請了星級名廚Mr. Jacques Kagi 祈積奇先生即席展示了照護食菜式。「食得喜」樂齡美食烹飪大賽2022獲獎名單請瀏覽比賽網頁：https://bit.ly/3EnYh1X
期待明年樂齡科技博覽暨高峰會再次見到大家！
Comments