社聯照護食工作小組舉辦嘅「照護有你」照護食標準指引業界交流會喺4月18日完滿結束。今次交流會係為業界人士簡介照護食標準指引内容，喺分享業界的應用例子嘅同時，讓業界人士交流討論，收集業界聲音。
照護食標準指引希望為照護食使用者、照顧者、院舍、生產商等人士，喺製作同購買照護食產品時提供參考。一套統一、清晰及本地化嘅照護食標準指引可以方便照護食產品製造、入口商生產或進口照護食；而另一方面，市場上用家依據指引可以更明白點樣挑選照護食食品。
今次交流會嘅反應非常熱烈，感謝嚟自不同界別嘅機構及公司代表出席，就已訂立嘅《照護食標準指引》同推廣照護食的展望進行積極討論，俾咗照護食工作小組唔同嘅寶貴意見。
照護食標準指引嚟緊好快會同公衆發佈，敬請期待！
最新消息歡迎留意我哋 Facebook page 或 網站 www.carefood.org.hk !
Comments