10月9日

香港第三齡學苑 – 照護食工作坊

上星期五，照護食工作小組聯同社聯嘅服務發展（長者服務），舉辦咗兩場照護食工作坊俾參加咗香港第三齡學苑 (U3A)「智惜用電樂齡大使」訓練嘅學員。當日除咗有照護食工作小組講解吞嚥困難及照護食外，仲有網煮有限公司行政總裁兼總廚、照護食星級大使Johnson Lo教各位哥哥姐姐利用不同家庭小電器製作照護食，希望提升大家對照護食，以至樂齡科技嘅認識，讓身邊親友或自己「有啖好食」。

一班U3A朋友都好投入烹調照護食同試食，大家都好開心啊。參加完呢個工作坊之後，各位大使更會參與「醫」、「住」、「行」方面嘅活動，期望佢哋可以將所學所得貢獻社區，惠及社群。