上星期六，為咗俾大眾認識更多社區資源，社聯伙伴關係拓展同照護食工作小組喺金獅花園舉辦咗「全城齡活 – 樂齡屋苑倡導計劃社區資源博覽」。當中邀請咗香港理工大學中文及雙語學系言語治療所、香港社區營養師協會、軟餐俠等作為參展伙伴。
參加者可以喺呢啲攤位認識更多吞嚥困難同照護食相關嘅知識。香港理工大學中文及雙語學系言語治療所提供咗一個簡單嘅吞嚥檢查；香港社區營養師協會教居民點樣將照護食變得更有營養；軟餐俠示範點樣製作照護食，製作完仲有得試食添！除咗有唔同攤位，仲有同長者相關嘅講座。參加者都獲益良多，仲認識多咗照護食添！
コメント