社聯致力推動照護食在地化同普及化。你又知唔知，點解將照護食變成飲食文化其中一環係咁重要？
係好多人感知中，照護食可能只係適合長者或者吞嚥困難人士，但其實任何人都可能有進食照護食嘅需要，就好似大家都會遇到嘅牙痛問題🦷，剝完智慧齒無辦法正常進食，只能夠日日「食糊」🥣。日子短都話勉强可以適應，但中風、癌症病人可能需要長期進食呢類膳食，就好難食得起勁。
其實日本早喺80年代已經研發「介護食」(軟餐），屈指一算，到依家都有成廿年經驗，市場發展可以話係相當成熟。各類型食品製造商、部分餐廳、超市都有提供相關產品，值得香港參考。
試諗下，當我哋可能經歷唔可以正常進食嘅時候，你入到餐廳，可以叫到一碗熱嘅照護食叉燒飯🍖🍚，仲可以係超市買到一包照護食薯仔咖喱🥘，係幾咁方便同舒適😋。呢啲完善嘅配套和環境都需要我哋由而家開始，大家一齊支持照護食計劃！
Comments