2025年嘅首場《照護食——家居篇》吞嚥困難患者照顧者講座已經喺1月18日順利舉行😄。
今次講座由《照護食——家居篇：吞嚥困難患者照顧者全面手冊》主編王榮珍女士主持。我哋好榮幸邀請到香港中文大學醫學院耳鼻咽喉 – 頭頸外科學系助理教授及言語治療科主管羅家東教授，為我哋分享有關吞嚥困難嘅資訊，尤其係照顧吞嚥困難人士嘅小貼士👍。
另外，我哋亦好榮幸邀請到香港中文大學醫學院影像及介入放射學系榮休教授余俊豪教授，介紹治療癌症嘅最新發展，以及如何結合信仰、書法去緩解患病帶嚟嘅負面情緒，隨後更即席揮毫，贈送「心靜如水 常懷希望」八字予在場參加者😊。
講座更有照護食烹調示範，邀請到一間照護食供應商分享點樣為吞嚥困難人士準備團年飯，讓一家人可以同檯食飯。參加者都好投入，亦分享咗自己製作照護食嘅經驗添。
期望手冊可以為照顧者提供更多照顧吞嚥困難人士嘅資訊，減輕佢哋嘅壓力，同時幫助照顧者學習點樣照顧患者之餘，亦可以好好照顧自己🥰。
👉歡迎到社聯照護食網站或香港防癌會網站免費下載《照護食——家居篇：吞嚥困難患者照顧者全面手冊》
🌐社聯照護食手冊下載網站：https://shorturl.at/UiqzL
🌐香港防癌會手冊下載網站：https://shorturl.at/J6Hti
Comentarios