【照護食標準化參考菜式(公眾投票) 結果出爐啦！📊✨】
香港社會服務聯會(社聯) 轄下嘅社會企業商務中心(SEBC)早前舉辦咗「照護食標準化參考菜式(公眾投票)」，邀請公眾人士喺眾多款菜式入面揀出最受歡迎嘅20至30款作為照護食標準化嘅參考。🍲🍚🥢
投票總共有214位公眾人士參與，當中近八成喺照護食用家同埋照顧者。👴👩🦰👵除咗個人照顧者之外，仲包括院舍同復康中心的代表或者職員。佢哋嘅意見可以直接反映到使用者嘅需要，令今次調查結果更貼近市場需求，具參考價值。
菜式方面，調查結果顯示大部分嘅受訪者都鍾意甜酸菜式，當中包括🍍菠蘿咕嚕魚塊、咕嚕肉、蜜汁雞翼同埋檸汁煎軟雞等。相對一般人而言，長者同埋吞嚥困難人士嘅味蕾敏感度可能會隨住年齡增長、疾病影響而退化，甜甜酸酸嘅味道可以刺激佢哋嘅味蕾同嗅覺，引起食慾。而多款炆煮菜式、傳統嘅中式食物例如皮蛋、腸粉、菜脯，同埋一啲平時比較黏嘅甜品，例如湯圓都相對受歡迎。😋
根據調查結果，選取部份受歡迎嘅食材，繼續同香港大學教育學院吞嚥研究所及香港中文大學食品研究中心合作，測試各種食材嘅軟硬及黏稠度，向本地照護食標準化邁進！💪💪
下載「照護食標準化參考菜式(公眾投票)」結果： t.ly/YKxN
👍大家記得繼續關注我哋照護食相關嘅資訊！
Comments