喺10 月14 日，社聯照護食工作小組去到立法會同立法會福利事務委員會相關委員分享照護食政策同埋試食，好開心約有10 位議員出席分享會，除咗展示咗照護食喺香港嘅發展狀況，我哋亦邀請各位議員親身體驗多款不同口味的照護食餐膳，從而了解照護食的發展和吞嚥困難人士各方面嘅需求。
另外，我哋亦有分享商界如何共建照護食友善環境同埋外國支援吞嚥困難人士及其照顧者嘅支援政策，並分享咗「照護食標準指引」嘅內容。
工作小組期待更多不同持份者一齊推動照護食發展，提升吞嚥困難人士同照顧者嘅生活素質，讓更多吞嚥困難人士喺社區有更多照護食餐膳嘅選擇！
Comments