一味餸煮得好，除咗講求味覺同嗅覺嘅享受，仲要兼備埋視覺嘅滿足。坊間上周不時聽到長者或者吞嚥困難人士表示「唔鍾意食糊餐」或者「唔想食軟食物」，通常唔係因為味道唔好，就係食物賣相欠佳，只係將所有食材攪拌埋一齊，未食都已經無晒胃口。
其實烹調照護食，都可以成為一門色、香、味俱全嘅料理藝術！
一個講究嘅器皿，淋上配襯嘅醬汁，加上精緻嘅擺設，照護食原來可以製作成好多花款，擺得上大枱嘅精緻菜式，例如：懷石料理、牛扒、壽司、西餐、和菓子、漬物等...
為咗令照護食計劃更全面，照護食工作小組在2020年初去咗日本考察，借鑑日本嘅介護食文化同埋當地菜式，帶番嚟香港，推動本地嘅照護食發展，希望俾香港嘅長者、吞嚥困難人士從膳食中感受到細心同重視，重拾經口進食嘅樂趣。
Comments