繼「照護食。有啖好食」社區食得喜計劃第一階段之後，第二階段話咁快又完滿結束咗啦！社聯照護食工作小組喺2023年2月至2023年6月期間，夥拍銀杏館及社企jin4 jy5推行「照護食。有啖好食」 社區食得喜計劃，希望幫助油尖旺區以及深水埗區内有需要嘅長者享受照護食餐膳。
第二階段我哋聯同聖雅各福群會蘇屋長者鄰舍中心及救世軍海嵐長者中心，為大約50位長者提供超過3000個照護食飯盒。好多長者都反映照護食飯盒好適合佢哋進食，唔需要自己再剪碎都食到，更少咗因為咬唔到而將啲食物吐返出嚟添。食到想食嘅嘢，連個人都開心咗！
經過咗兩個階段之後，我哋發現照護食飯盒的確幫助到唔少長者，無論係進食體驗，以及心情等方面都有正面嘅影響。計劃完結後，更有長者表示希望可以繼續進食照護食！我哋會繼續努力，將照護食推廣比更多人，惠及更多有需要人士。
Comments